23.11.09

PLASÊ, TENENT BRONTSON.

Cui che à bielzà let il libri «I Gnognosaurs 2» al à cognossût un gnûf personaç, plui gnogno che mai. Cumò e je ore di presentâlu a ducj: ve chi il Tenent Brontson.

Cemût si fasial a difindi la leç cuant che la leç e à ancjemò di jessi inventade? Nol è un problem, par il tenent Brontson: tant, gnogno come che al è, nol cumbinares nuie istes. Cuant che tal jurassic e sucêt une robarie, un crimin o alc dal gjenar, al è lui a jessi clamât par cjatâ il colpevul. Ma naturalmentri cualsisei misteri al è masse dificil di risolvi, par lui. Fin cumò nol à cjatât ancjemò nancje un indizi da la presence di un çurviel tal so cjâf.
PIACERE, TENENTE BRONTSON. Chi ha già letto il libro «I Gnognosaurs 2» ha conosciuto un nuovo personaggio, più gnogno che mai. Adesso è ora di presentarlo a tutti: ecco il tenente Brontson.

Come si fa a difendere la legge quando la legge non è ancora stata inventata? Non è un problema, per il tenente Brontson; tanto, gnogno com'è, non riuscirebbe a far niente lo stesso. Quando nel giurassico succede qualcosa: un furto, un crimine o cose del genere, è lui ad essere chiamato per trovare il colpevole. Ma naturalmente qualsiasi mistero è troppo difficile da risolvere, per lui. Finora non ha ancora trovato neanche un indizio della presenza di un cervello nella sua testa.