15.4.11

I Gnognosaurs pe sigurece dai fruts (e no dome)


Doman a disposizion di ducj li dal Festival della Sicurezza di Udin il gnognolibrut pe prevenzion dai incidents in cjase

Un librut a fumuts cuintri dai incidents domestics indreçât ai fruts, ma ancje a i plui grancj, cun protagoniscj i Gnognosaurs. «No stâ a fâ il gnogno», chest il titul, midiant dai fumuts al invide ducj a fâ atenzion in cjase, un lûc che al samee il plui sigûr, ma li che si an trê voltis tant vitimis rispiet ai muarts tes disgraziis che a sucedin sul puest di vore. Produsût su iniziative de Ass5 de Basse Furlane, la idee e il contignût tecnic a son par cure di Silla Stel cu la colaborazion di Antonella Arena, mintri che Graziana Ciani e à metût in rime une naine li che si contin i pericui che si à di stâ atents e che al è il fîl condutôr de publicazion.
Doman sabide ai 15, tal ambit dal Festival della Sicurezza a Udin, si podarà cjatâlu a disposizion di ducj li dal stand de Ass5 de Basse Furlane (i stand a son sot de Loggia del Lionello e in vie Cavour) des 10 di buinore fin a lis 16.

Un libretto a fumetti contro gli incidenti domestici indirizzato ai bimbi, ma anche ai più grandi, con protagonisti i Gnognosaurs. «No stâ a fâ il gnogno», questo il titolo, tramite i fumetti invita tutti a fare attenzione in casa, un luogo che sembra il più sicuro, ma dove si hanno, putroppo, vittime in numero tre volte superiore a quello degli incidenti sul lavoro. Prodotto su iniziativa della ASS5 della Bassa Friulana, l'idea e i contenuti tecnici sono a cura di Silla Stel con la collaborazione di Antonella Arena, mentre Graziana Ciani ha ideato la filastrocca che mette in rima i pericoli verso i quali fare attenzione che costituisce il filo conduttore della pubblicazione.
Domani sabato 15 Aprile, nell'ambito del Festival della Sicurezza a Udine, si potrà trovare a disposizione di tutti presso lo stand della ASS5 della Bassa Friulana (gli stand sono sotto la Loggia del Lionello e in via Cavour) dalle 10 alle 16.