31.3.12

I gnognosaurs al cine!!! (Visionario)

I GNOGNOSAURS AL VISIONARIO!

LA MOSTRE “GNOGNOWOOD: IL JURASSIC AL JERE DUT UN CINE” DI ANDREA “DREE” VENIER E SARÀ INAUGURADE MARTARS AI 3 DI AVRÎL AES 6 DI SERE  - JENTRADE LIBARE

                                                                                                 [Udin ai 30 di Març 2012]

Udin - In ocasion des celebrazions dai 3 di Avrîl, Fieste dal Friûl, il CAV – Centro per le Arti Visive dutun cul CEC – Centro Espressioni Cinematografiche di Udin, in colaborazion e cul finanziament de ARLeF (Agjenzie Regjonâl pe Lenghe Furlane), al inaugurarà ae 6 di sere li dal Visionario di Udin in vie Asquini, la mostre “Gnognowood: il Jurassic al jere dut un cine!” dal artist Andrea “Dree” Venier. Protagoniscj di cheste aventure a saran i Gnognosaurs, simpatics dinosaurs gnognos che a fevelin par furlan, metûts adun di Venier inte serie di fumets “I Gnognosaurs”. La mostre si fasarà cun jentrade libare e la inaugurazion si davuelzarà cu la presince dal autôr, che al sarà li ancje pes dedichis, e dal diretôr de ARLeF William Cisilino.

Il titul de mostre dal Visionario e je chê dal ultin libri sui Gnognosaurs, li che chescj personaçs a jentrin intal mont dal cine. Cun di fat il cine, daûr di ce che al dîs Venier, nol è stât inventât dai fradis Lumière intal Votcent in France, ma milions di agns prime, intal Jurassic, propit dai Gnognosaurs. Cussì o podarìn viodi in mostre, intal formât origjinâl 70 x 100 cm, i posters dai “paleo-kolossals” plui famôs che a àn anticipât la industrie moderne dal cine. Lavôrs di mestri tant che “Forrest Gnogno”, che al sarà imitât milions di agns dopo cul remake “Forrest Gump”, “Il bon, il brut, il gnogno” o “The Gnognos brothers” (o ricuardìn che cualchidun di chescj posters a jerin za stâts esponûts li dal Visionario intant de Mostre dal Cine intal Dicembar dal 2011).

Il vivarôs alestiment inmaneât di Piera Nodari par Ateneo delle Idee, al sarà inricjît cuntune selezion di taulis origjinâls dal fumet “Gnognowood” e cun sagumis cartonadis che a rapresentin i personaçs dal fumet stes. A saran proietâts ancje “booktrailers” (presentazions filmadis dal libri) dai Gnognosaurs, animazions sperimentâls e intervistis.

La mostre e restarà vierte fin a Domenie ai 15 di Avrîl e si podarà visitâ ducj i dîs intai oraris des proiezions. La jentrade e je sore nuie.



14.3.12

Gnognointerviste

E je on line une lungje e complete interviste che Alessandro Olivo dal sÎt «Fucine mute» al à fat al pari dai Gnognosaurs, Dree Venier.
«La prospettiva con la quale lavoro rispetto alla lingua, non solo per i fumetti, ha lo scopo di fare un bel lavoro, poi il fatto che questo sia in friulano, di conseguenza, contribuisce alla sua diffusione e dignità. Voglio dimostrare che in lingua friulana si possono fare cose che possono stare sul mercato, sfidandolo »

2.3.12

Gnognofradis...

Aromai o savês ducj che i Gnognosaurs a son stâts i prins a inventâ il cine e no i fradis Lumière in Francie tal 800. Ma cuâi erino i cines che si fasevin d'in chê volte?
Ve chi un poster di un dai paleo-kolossal plui famôs...
Ormai sapete tutti che i Gnognosaurs sono stati i primi a inventare il cinema e non i fratelli Lumière in Francia nell'800. Ma quali erano i film che si producevano allora?
Ecco un poster di uno dei paleo-kolossal plui famosi.