24.12.09

PLASÊ, PROF. EINSAUR.

Il prof. Einsaur al è il sienziât dai Gnognosaurs. Forsit al sarès miôr dî che al volarès jessi sienziât, parcè che naturalmentri nol è mai rivât a inventâ o a scuvierzi nuie che al coventi a alc. Al fevele cuntune pronunzie un pôc todescje, metint ca e là i siei "ja" e "nein", e cuant che al fâs cussì i Gnognosaurs a stan cidins e i ubidissin. Tant, di ce che al dîs, no capissin nuie.

GNOGNOAUGURIS.




















Par chest an, i Gnognosaurs us saludin: a tornaran sul blog cuant che a varan une altre gnove di contâ.
Gnognoauguris a ducj!

(e ricuardaisi che il gnognolibri al è il regâl furlan plui biel di chest Nadâl!)

23.12.09

PLASÊ, BLIK.

Piçul ma volenterôs, Blik al è il aiutant dal professôr Einsaur. Di lui no savin masse, parcè che al è un di pocjis peraulis, anzit di une sole: "blik". Strani ma vêr, al è l'unic gnognosaur dotât di inteligjence. Ma jessint che nol rive a fevelâ, nissun lu scuvierzarà mai.

21.12.09

GNOGNOZÛC: MET ADUN I PONTS

Fruts, zontait i ponts par scuvierzi doi dissens dai Gnognosaurs.



Par discjamâ il zûc, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.


18.12.09

GNOGNOZÛC: EMPLE I SPAZIS - 2

Dentri di cheste imagjine a si platin dôs vignetis dai Gnognosaurs.
Par scuvierziles, emplait i spaziis dulè che a son i ponts.


Par discjamâ il zûc, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.

16.12.09

I GNOGNOSAURS A LA CONTIN JUSTE.

Vêso viodût la interviste a Dree Venier a «Contile Juste», il tg de Provincie di Udin, chê altre dì?
Nuie pôre: se la veis pierdude, vê chi il video:

Dree a Contile juste, 11 di Dicembar dal 2009.


Alore? Cui isial plui fotogjenic: Dree o i siei Gnognosaurs?


10.12.09

GNOGNOINVASION ANCJE IN TV.

La invasion no cognòs soste: i Gnognosaurs a son rivâts ancje in television!
L’autôr Dree Venier e Eugenio Busolini, il gjestôr de librerie Ribis di Udin (il “Gnognopoint” cun i libris e i gadget dai Gnognos) a saran intervistâts di Anna Casasola par «Contile Juste», il tg de Provincie di Udin, li che dute une puntade e sarà dediade a la jessude dal libri.



La puntade a larà in onde  
doman, vinars ai 11
a lis 18,30 su Tele Pordenon,
a lis 19,15 su Free (ex Antenna 3)
e a lis 19,45 su Telefriuli.

Di doman a sarà ancje a disposizion sul sît de Provincie di Udin, www.provincia.udine.it, fracant sul banner “Contile Juste” (su la diestre de home page).
Alè Gnognos!


7.12.09

PLASÊ, JURASSIC CASELLA.

Covential un incjantesim? Une magjie? Un striament? No stait a clamâ Jurassic Casella par nissune reson al mont: al fasarès nome dams. Cuant che al à di fâ sparî une robe, sta sigûr che le moltipliche, e chel puar cunin che si puarte ator dentri dal cjapiel cuissà ce bestie che al jere prime di cognossilu. Par comedâ ducj i pastiei che al cumbine, al coventarès pardabon un mâc.

4.12.09

UNE FOTO CUI GNOGNOSAURS.




Vêso viodût ce fotogjenics che a son i Gnognosaurs? Ve chi Dree Venier, il pari dai nestris dinosauruts preferîts, dongje di Martin, e Elisabetta Pittana, la senegjadore, insiemit a Bombo.



E voaltris, vêso fat une foto cui Gnognosaurs? Martin, Bombo e i fradis Wright us spietin te librerie Ribis par metisi in pose cun ducj chei che a vuelin tornâ tal Jurassic par un moment.


3.12.09

GNOGNOZÛC: MET IN ORDIN LIS STRICHIS - 2

Lis strichis a son dutis in disordin!  Judainus a metilis a puest.



Par discjamâ il zûc, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.

1.12.09

I GNOGNOSAURS LI DAL VISIONARIO DI UDIN.

Sabide passade li de librarie Ribis di Udine, “I Gnognosaurs” di Dree Venier a àn otignût un grant sucès di public, tant che l’autôr al à scugnût dedicâ il libri par dôs oris di file!




 Par cui che nol ves ancjemò vût la ocasion di viodilu, lu invidìn li de librarie dal Visionario

doman, miercus ai 2 di dicembar aes 7 sot sere.

Dree Venier al sarà li de librarie par dedicâ il libri a cui che al volarà comprâlu.

UNE GNOGNOFOTO PAR FACEBOOK 4: JURASSIC CASELLA E I FRADIS WRIGHT.

Ultime serie di figuris par meti un gnognosaur ta la tô foto di Facebook: cheste volte al tocje al mâc Jurassic Casella e ai doi fradis svolants Agnul e Icaro Wright.

Gambie ancje tu la tô foto dal profîl e fâs viodi a ducj i tiei amîs ce biei che a son i gnognosaurs.









Se tu âs voie di sielzi un altri personaç, frache chi par Momo e Martin, chi par Bombo e Rugne o chi par Eisaur e Ines.

ISTRUZIONS.
Frache cul mouse su la figure che tu âs sielt, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie. Metile tal to profîl di Facebook e devente Gnogno ancje tu!


28.11.09

I GNOGNOSAURS A LA CONCUISTE DI UDIN.

Aromai pal Friûl no si scjampe: la invasion dai Gnognosaurs a è rivade pardut.
Cirî ripâr al è inutil: miôr fâsai amîs.
Dulà? A Udin. Vuê a lis 17, la seconde presentazion uficiâl dal Gnognolibri ta la librerie Ribis.



AL RIVE IL LIBRI - 07

27.11.09

L'INVASION E SCOMENCE A PORDENON.

Ricuardaisi che stesere a lis 18 a Pordenon o vês ducj un apontament con i Gnognosaurs.
E doman, us spietin a Udin a lis 17 ta la Librerie Ribis. Ancje chi, Dree Venier a us disegnarà une dediche su vuestri libri.



Par scjamâ l'invît fracait chi.

26.11.09

CONT INDAÛR: MANCUL UN.

Sêso pronts? I Gnognosaurs a stan par rivâ: doman, vinars ai 27 di novembar, no steit a pierdisi la presentazion dal Gnognolibri a Pordenon, a li 18 al Caffè Letterario in place della Motta.
Dree Venier, il "pari" dai nestri amîs Gnognos, al sarà presit par fâ une dediche speciâl a cui che a compre il libri.


Par scjamâ l'invît fracait chi.

E se no rivait a jessi a Pordenon, no steit a vê pôre: o stin preparant une presentazion ancje a Udin. Tornait a cjatânus!


AL RIVE IL LIBRI - 06


25.11.09

GNOGNOZÛC: LIS DIFARENCIS.

Fruts, al è rivât un altri zûc dai Gnognosaurs! Dulà sono lis difarencis jenfri i doi dissens?
Par discjamâ il zûc, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.


24.11.09

I GNOGNOSAURS SUL TO COMPUTER - 02

Dopo chel di Bombo e dal Miluç, un altri sfont pal to computer! Ve chi i Gnognosaurs che van a cjaminâ atôr par lis famosis colinis di Windows.



Par discjamâ il sfont, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.

AL RIVE IL LIBRI - 05


23.11.09

GNOGNOZÛC: COLORE IL DISSEN.

Gnognosaurs in blanc e neri? E parcé po? Su po, fruts, provait a coloraju!
Par discjamâ il zûc, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.


PLASÊ, TENENT BRONTSON.

Cui che à bielzà let il libri «I Gnognosaurs 2» al à cognossût un gnûf personaç, plui gnogno che mai. Cumò e je ore di presentâlu a ducj: ve chi il Tenent Brontson.

Cemût si fasial a difindi la leç cuant che la leç e à ancjemò di jessi inventade? Nol è un problem, par il tenent Brontson: tant, gnogno come che al è, nol cumbinares nuie istes. Cuant che tal jurassic e sucêt une robarie, un crimin o alc dal gjenar, al è lui a jessi clamât par cjatâ il colpevul. Ma naturalmentri cualsisei misteri al è masse dificil di risolvi, par lui. Fin cumò nol à cjatât ancjemò nancje un indizi da la presence di un çurviel tal so cjâf.

22.11.09

PLASÊ, JACK O'ROBY.

Si clame Jack, e il so mistîr (se cussì si pues clamâlu) al è bielzà scrit tal so nom: di fat, par vivi, Jack al robe. L’ultim personaç rivât tal mont dai Gnognosaurs al è un brontosaur, ma soredut un lari. Un che nol si ferme devant di nuie: al è bon di robâ il tacuin ancje al poliziot che lu sta percuisint! Pecjât che, cuntune panze cussì, e sedi dure platâsi, dopo di vê robât. Miôr cirî di confusionâ la polizie profitant da la incredibile someance cun Bombo. Ma chê chi e je une altre storie (e se o volês leile, la cjatais sul gnûf gnognolibri: “I Gnognosaurs 2”).

21.11.09

UNE GNOGNOFOTO PAR FACEBOOK 3: EINSAUR E INES.

Tierç regalut pai gnognofans iscrits a Facebook: lis imagjins dal prof. Einsaur e di Ines la vedrane di doprâ come foto dal profîl. Par cui che si sint sienziât o chês che a stan cirint l'amôr.









Tu podis cjatâ lis altri figuris chi e chi.

ISTRUZIONS.
Frache cul mouse su la figure che tu âs sielt, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie. Metile tal to profîl di Facebook e devente Gnogno ancje tu!


CJACE AL GNOGNOSEGNALIBRI.

Dopo des spilutis di Bombo vuê vie pal dì, sabide ai 21 di Novembar, ta la librerie Ribis ûs spietin trente segnelibris dai Gnognosaurs che a saran regalâts ai prins trente che a jentraran par domandâju.
E ricuardait che ta la librerie Ribis o podês ancje prenotâ une copie dal libri cu la dediche dal autôr Dree Venier.




La librerie Ribis e je in vie P. Canciani, 14 a Udin.


PLASÊ, PTEROSLAVSKIJ

Us varàn contât che il cine lu an inventât i francês, e che il pari dal plui impuartant metodi par recitâ al jere un rus. Dut sbaliât: prime di lôr, tal jurassic, al jere il mestri Pteroslavskij, il regjist plui famôs de preistorie.
Presuntuôs tant che nome un grant regjist al pues jessi, inacessibil tant che nome une vere star e pues jessi, ma soredut dordel come nome un Gnognosaur al pues jessi, Pteroslavskij al sta al cine come Einstein a la piture: no centre nuie.
Saraial forsit par chel che nissun al à mai sintût nomenâ il cine jurassic?

Ma chê chi e je une altre storie (e se o volês leile, la cjatais sul gnûf gnognolibri: «Gnognowood»).

AL RIVE IL LIBRI - 04

20.11.09

GNOGNOZÛC: MET IN ORDIN LIS STRICHIS.

Ce isal sucedût a lis strichis? A son dutis in disordin! Fruts, rivâso a metilis a puest?


Par discjamâ il zûc, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.

PLASÊ, CIRO


 E l’Oscar par il miôr atôr no protagonist al va a... Ciro! Caraterist une vore dutil, adat a dutis lis parts e ducj i personagjos, al è stât scriturât par fâ la comparse in ducj i libris dai Gnognosaurs, a scomencâ di «Gnognowood».
Ciro, di fat, al ven fûr tes pagjinis dal libri DOME UNE VOLTE. Il zûc al è cjatâ fûr dulà che al è.





PLASÊ, INES.

E chê chi e je Ines, la vedrane dai Gnognosaurs. E no si fas fadie a crodi che e sedi di bessole, brute come che e je. Ma jê no si rint, e e continue a cori daûr a ducj i gnognosaurs che e cjate. E plui jê ur cor daûr, plui chei a scjampin. Rivaraie mai a cjatâ cualchidun?

19.11.09

GNOGNOLIBRI: O SIN IN VORE PAR VOALTRIS.

Scoop: o vin becât il "pari" dai Gnognosaurs che al cjalave lis provis di stampe.
Preparaitsi: il Gnognolibri a sta rivant!




AL RIVE IL LIBRI - 03

18.11.09

I GNOGNOSAURS SUL TO COMPUTER.

Une gnove sorprese par ducj i amîs dai Gnognosaurs: il sfont di meti sul to computer. Cumò o vin capît parcè che il miluç plui famôs dal mont da la informatiche al è smorseât: al è stât Bombo!



Par discjamâ il sfont, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.


CJACE A LA GNOGNOSPILUTE.

Cumò che o vês cognossût Bombo, cemût fasarêso a resisti a la sô gnognospilute? Impussibil. E alore movêtsi: si è vierte la cjace al gnognotesaur!


Doman di matine, joibe 19 di Novembar, ta la librerie Ribis ûs spietin trente spilutis di Bombo che a saran regaladis ai prins trente che a jentraran par domandâlis.
E ricuardait che ta la librerie Ribis o podês ancje prenotâ une copie dal libri cu la dediche dal autôr Dree Venier.

La librerie Ribis e je in vie P. Canciani, 14 a Udin.


17.11.09

UNE GNOGNOFOTO PAR FACEBOOK 2: BOMBO E RUGNE.

Sêstu golôs come Bombo? O trist come Rugne?
Dopo chês di Momo e Martin, ve chi altris figuris di doprâ come foto dal to profîl di Facebook.









ISTRUZIONS.
Frache cul mouse su la figure che tu âs sielt, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie. Metile tal to profîl di Facebook e devente Gnogno ancje tu!


GNOGNOZÛC: MET ADUN I PONTS.

Fruts, vêso jemplât i spazis dal zûc di îr? Alore cjapait ancjemò in man il lapis e metêt adun i ponts!
Bon divertiment!
Par discjamâlu, frache cul mouse su la imagjn par slargjâle, e dopo strissinile su la tô scrivanie, o se tu preferissis frache il tast destri e salve la imagjin dulà che tu âs voie.