24.12.10

BUINIS GNOGNOFIESTIS!

E ancje par chest an, i Gnognosaurs us saludin.
Gnognoauguris a ducj e a riviodisi cun altris gnognognovis!


20.12.10

DEVENTE UN GNOGNOARTIST!

Cumò che o vês viodût cemut che al fâs Dree par disegnâ i nestris amîs Gnognos, scomet che o vês voie di provâ ancje voaltris.
E alore, ve chi lis istruzions par dissegnâ Momo e Bombo!




Par discjamâlis (se tu âs voie di tignîlis sul to computer o di stamplis), frache cul mouse su lis imagjnis par slargjâlis, e dopo strissinilis su la tô scrivanie, o se tu preferissis frache il tast destri e salve lis imagjnis dulà che tu âs voie.


17.12.10

UN GNOGNOLIBRI CUINTRI LA SCALOGNE!

Vuê al è vinars 17: stait atents a no cjatâ il scalognesaur!
Cui isal il scalognesaur? Par scuverzilu, o vês di lei il libri I Gnognosaurs! 2. A disin che leilu al puarti une vore di fortune.



15.12.10

CE MÛT NASSINO I GNOGNOSAURS?

Us sêso mai domandâts cemût che e nas une pagjine di gnognofumuts? Cjalait il video chi sot par discuvierzilu:


E si vês voie, iscrivêisi al canâl YouTube dai Gnognosaurs: http://www.youtube.com/user/gnognosaurs.

13.12.10

Il ZÛC DI SANTE LUSSIE.

Sante Lussie e je rivade dai Gnognosaurs!
Pecjât che si sedi confundude e che vedi sbaliât ducj i regâi. Rivistu a meti dut in ordin?
Stampe il zûc e tire une rie par zontâ ogni personaç cul regâl just par lui.


E a te, Sante Lussie ae puartât il libri dai Gnognosaurs? No? E alore
domandilu come regâl par Nadâl!

10.12.10

E TU, CE SORTE DI GNOGNOCRIMINÂL SÊSTU?

Aromai lu savês: i Gnognosaurs a son colpevui di fâ murî di ridi!
E voaltris? Cuâl saressial stât il vuestri reât tal jurassic? Scuvierzeitlu cul gnûf test di Facebook dai Gnognosaurs: fracait achi par zuiâ.


E par cui che no lu à fat l’an passât, ve chi il link pal test “Ce sorte di Gnogno sêstu?”.

9.12.10

UN WEEK-END DUT GNOGNO!

Lu savin, e je bielzà passade plui di une setemane, ma ancje se o sin tart, o vin voie di fâ viodi cualchi imagjine dal gnognoweek-end passât, par fâ content ancje cui che no l’è rivât a vignî.
Ta la Librerie Friuli a Udin, par la presentazion dal Gnognolibri, Dree al à dissegnât un grum di dedichis:


E ancje a la presentazion da la Gnognomostre a San Lurinç di Sedean e jere il plenon di int e soredut di fruts:


E Dree e Bete, la scenegjadore, a son stâts intervistâts cuntun speciâl gnognomicrofon:


Dutcâs, se o vês pierdût il gnognoweek-end, no steit a pierdisi il gnognolibri, il plui biel regâl in furlan dal Nadâl 2010!

E ricuardait che la gnognomostre, a Cjase Uarnèl, a larà indevant fins ai 31 di Dicembar, vinars e sabide da lis 9.30 a lis 12.30. A sarà une ocasion par scuvierzi ancje un tocut di Friûl.

Ve chi alore la
GNOGNO-VUIDE TURISTICHE DAL COMUN DI SEDEAN.
Se o lais di chês bandis par viodi la gnognomostre, ve chi altris robis di lâ a visitâ:
- Cjase Turoldo a Coder, li che a son in mostre i presepis
- il Mulin di Rivis (clamant il Comun o la Pro Loco di Rivis)

- il cjastelîr protostoric cun scheletris dal 1800 prime di Crist (par viodiju si à di clama il Comun)
- La Via Crucis monumentâl te curtine di Grediscje.

TOUR GASTRONOMIC.
Se o vês gole di comprâ alc di gjenuin dal puest lait
- o ta la latarie di Coder (vie Ingorie 2)
- o comprait i miluçs lì di Mela mangio, a San Lurinç.


E se il stomi us bruntule come chel di Bombo, o podeis lâ chi:
- Agriturisim Là di Mariute a Coder
- Ostarie Vecjo Friûl 1901 a Rivis
- Ristorant Ca dal Pape a Turide
- Agriturisim Là di Poete tra Sedean e Grions


Bon Gnogno-tour!

7.12.10

ILGNOGNOLIBRI A DAVIAN.

Sêso pronts par il prossim gnognoapuntament?

Joibe ai 9 di dicembar a lis 20.30 (ma par cui che al vûl passâ prime ancje gnognoaperitîf a lis 19,30), presentazion dal libri I Gnognosaurs! 2, edizions "L'omino rosso", e cene preistoriche cul autôr Dree Venier, cun tant di archeopizza!
Al sarà presint ancje l'editôr.

Dulà?
Osteria dei Poeti a Davian, place Duomo 16




6.12.10

ZUIE CUI GNOGNOPIPINS.

E se i vessis voie di inventâus di bessoi une gnognostorie? Facil, baste doprâ la gnognosorprese di vuê: i gnognopipinots di dêt!





ISTRUZIONS.
Frache cul mouse su lis imagjinis par slargjâle, e strissinilis su la tô scrivanie, o frache il tast destri e salve lis imagjinis dulà che tu âs voie. Stampilis e taje dilunc dal ôr. Fâs un anel secont da la misure dal to dêt e serilu cuntun toc di scotch o cuntun pocje di cole. Metîlu intôr e invente la to gnognostorie!


3.12.10

VÊSO MAI VIODÛT UN GNOGNOMONITOR?

Lis gnognosorpresis (viodudis in anteprime di chei che àn zuiât al gnognogame) a van indevant: ve chi il kit par gnognizâ il computer!



ISTRUZIONS.
Frache cul mouse su la imagjin par slargjâle, e strissinile su la tô scrivanie, o frache il tast destri e salve la imagjin dulà che tu âs voie. Stampile e taje dilunc dal ôr. Tache i tocs sul to monitor e gnognize il to computer!

2.12.10

A RIVIN LIS GNOGNOGIF!

Tantis a jerin lis gnognosorpresis par chei che àn zuiât tai dîs passtâs al gnognogame. E cumò, a planc a planc, lis fasarin viodi ancje a ducj chei che no àn zuiât.
Ve chi lis gif animadis dai Gnognosaurs!
Lis cjatais in tre misuris difarentis, par dopralis come avatar o firme intai forum, par esempli, o ben par fâ biel il vuestri blog o il vuestri sît.





ISTRUZIONS.
Frache cul mouse su la gif animade che ti plâs e strissinile su la tô scrivanie, o se tu preferissis frache il tast djestri e salve la imagjin dulà che tu âs voie.


1.12.10

GNOGNOLIBRI: IL TRAILER.

Cui che al à zuiât al gnognogame ta i dîs passâts lu à viodût in anteprime, ma i Gnognosaurs a son masse braurôs e a vevin voie di fâlu viodi a ducj: ve chi il booktrailer da I Gnognosaurs 2!



30.11.10

ANCJE L’IPHONE A SI È GNOGNIZZÂT!

Jurassics si, ma simpri atents a lis tendencis! Cence savê nè lei nè scrivi (no je colpe lôr: in chê ete no vevin ancjemò inventât la scriture), i Gnognosaurs a son rivâts anche sui telefonuts!
Di cualchi dì e je ative la version mobile dal gnognoblog: cui che a ven achi su gnognosaurs.blogspot.com partint di un “smartphone”, al sarâ automaticamentri indreçât ta la version otimizade par la navigazion mobile.

 

E se o vês un iPhone o un iPod Touch, o podeis ancje instalâ il gnognolink sul desktop!

1. Vierzêt Safari e lait su gnognosaurs.blogspot.com (se no si vierç la version mobile, ma chê normâl, svuedait la “cache” e tornait a provâ). 

2. Fracait il + che cjatais sot da la pagjine.

3. Fracait “Aggiungi a Home”.


4. Scriveit “Gnognos” come nom dal link (al è plui curt).


5. E ve chi la Gnognoicone ta la home page!


Cussì il vuestri iPhone al sarà il plui Gnogno di ducj!


28.11.10

A TACHE LA GNOGNOMOSTRE!

Lis taulis originâls, i “gnognoboi”, i gnognolibris, i Gnognosaurs di carton par fâ la foto: insumis, dutis lis gnognadis che a esistin lis cjatais metudis dongje inte Gnognomostre, a Cjase Uarnèl, a San Lurinç di Sedean.
L’apuntament cui Gnognofan al è vuê a lis 17.00, a la inaugurazion.


La mostre a larà indevant fins ai 31 di Dicembar, vinars e sabide da lis 9.30 a lis 12.30.

27.11.10

GNOGNOPRESENTAZION A UDIN.

I Gnognosaurs us spietin a Udin, li de librerie Friuli, a lis 18.00 di vuê, par la presentazion dal Gnognolibri.

Vignît a caturâju!

26.11.10

GNOGNOPRESENTAZION A SPILIMBERC.

Vêso segnât sul calendari l’apontament di vuê?


Si viodìn a lis 18.00, a Spilimberc, lì da la osterie al Buso, par la presentazion dal Gnognolibri.
E stait atents a no murî di ridi!

25.11.10

APONTAMENTS CUI GNOGNOSAURS.

Finalmentri il tenent Brontson à scuviert dulà che si erin platâts i Gnognosaurs: dentri tal gnûf libri I Gnognosaurs 2! Ve chi Dree che cjale lis provis di stampe par controlâ che a sedin ducj.


Vêso voie di viodîju in cjar e vues, anzit, in cjarte e colôrs?
Ve chi tre apuntaments di no lassâ pierdi:


Vinars ai 26 di novembar 2010 a lis 18.00, a Spilimberc.
Presentazion dal Gnognolibri.
Osteria al Buso
Via Simoni, 8

Sabide ai 27 di novembar 2010 a lis 18.00, a Udin.
Presentazion dal Gnognolibri.
Libreria Friuli
Via dei Rizzani, 1

Domenie ai 28 di novembar 2010 a lis 17.00, a San Lurinç di Sedean.
Inaugurazion da la Gnognomostre.
Cjase Uarnèl
Via Zorutti, 1

Dree, il pari dai nestris dinosauruts preferîts, vi spiete par disegnâ lis dedichis!


24.11.10

GNOGNOGAME: ULTIM INDIZI!

Lis indagjinis a son scuasit rivadis in somp: vuè a scuvierzarin dulà che a si son platâts i Gnognosaurs, colpevui di fâ murî di ridi dut il Friûl!

Cual isal il sietim e ultim indizi? Cheste volte no vin nissun jutori di dâus: lait su gnognogame.blogspot.com e fracait fin cuant che lu cjatais! 


23.11.10

GNOGNOGAME: SIN RIVÂTS AL SEST INDIZI.

Impuartant svolt tes indagjinis par cirî i Gnognosaurs, colpevui di fâ murî dal ridi: il tenent Brontson al à cjapât Blik. Pecjât che nol pues interogâlu, parcé che la uniche peraule che al è bon di dî e je “blik!”.
Ma il piçul judant dal professôr Einsaur al à cirût li stes di colaborâ, mimant l’indizi di vuê.

Vêso capît ce robe cirî? Lait a fracâ l’indizi just su gnognogame.blogspot.com. Ancje vuè, une bielissime gnognosorprese us spiete! 

22.11.10

GNOGNOGAME: IL CUINT INDIZI DI CIRÎ.

Al tenent Brontson i è rivade une letare anonime, cun la segnalazion dal prossim indizi di cirî. Pecjât che lis letaris a si sedin dutis distacadis! Ah, lis postis dal jurassic!



Rivâso a metilis in ordin e a cjatâ la peraule juste che a mostre l’indizi di vuè? Par ducj chei che a cjatin l’indizi just di fracà su gnognogame.blogspot.com, ancje vuè il tenent à preparât une gnognosorprese.


20.11.10

DOI GNOGNOLIBRIS PAR I PLUI GNOGNOS!

Sabide e domenie il Gnognogame si ferme, ma par i gnognofans a è simpri alc di fâ!
Ancjemò par trê dîs, al è pussibil vinci doi gnognolibris!
Par scuvierzi cemût fâ, lait sul blog Parole Appiccicate dal nestri gnognoamî Davide.

19.11.10

GNOGNOGAME: ZUIE CUL CUART INDIZI.

Lis indagjinis par cirî i Gnognosaurs, colpevui di fâ murî dal ridi, a van indevant: il tenent Brontson al à cjatât un scrign che probabil al à dentri alc di impuartant, ma nol rive a vierzilu.

Bisugnares cjatâ alc par fâ scatâ la sieradure, forsit alc a ponte, o... viodêso alc di bon su gnognogame.blogspot.com? Lait a zuiâ: la gnognosorprese di vuè a fâs gole a ducj!


18.11.10

GNOGNOGAME: IL TIERÇ INDIZI.

Il tenent Brontson al varès cjatât l’indizi di bessôl, chest colp, ma al à dismenteât la so lint d’ingrandiment, e cence di chê nol viôt masse ben. Ve chi la robe di cirî, cussì come le à viodude lui:


Rivâiso a cjatâle inte scene dal delit? Lait a zuiâ su gnognogame.blogspot.com: une gnognosorprese us spiete! 

17.11.10

GNOGNOGAME: CÎR IL SECONT INDIZI.

Al tenent Brontson e je rivade une telefonade anonime contune indicazion dal prossim indizi di cjatâ.
Provait a scoltâle:


Vêso capît di ce robe fevelie? Lait su gnognogame.blogspot.com a cirîle par cjatâ la gnognosorprese di vuê.

16.11.10

DULÀ SONO I COLPEVUI? AL TACHE IL GNOGNOGAME!

Declarâts colpevui par la epidemie di ridadis in dut il Friûl, i Gnognosaurs a son ancjemò latitants.
Par chest, il tenent Brontson e lis fuarcis dal ordin a domandin un jutori a dute la popolazion, e a àn preparât un sît a pueste, dulà che ducj a puedin esaminâ la sene dal delit. Lant daûr da lis nestris indicazions, ogni dì o podarês scuvierzi un gnûf indizi e cjatâ une gnove gnognosorprese.


L’INDIZI DI VUÊ.

Il tenent Brontson al à interogât un saur. Ve chi la so testemoneance:

Al è un indizi impuartant, o veis di cjatâlu. Un afâr strani, no ài mai viodût une robe dal gjenar tal Jurassic: sigûr une invenzion gnove. Al somee a un grafît, ma no dissegnât su une caverne. E se tu cjalis dutis lis imagjinis une daûr che altre, al si môf. Une striament di Jurassic Casella, sigûr!

Cuâl isal l’indizi? Lait a cirîlu su
gnognogame.blogspot.com

Buine cjace!



15.11.10

IL ZÂL FURLAN: DISCUVIERTS I COLPEVUI.

Colp di sene tal misteri des vitimis di ridarole in Friûl.
A fâ stragje ator pardute la regjion nol jere nome un killer, ma une bande interie: i Gnognosaurs.



Daûr di un comunicât de polizie, chestj strambs dinosaurs a son une vore pericolôs: al è di milions di agns che a van indevant a fâ murî di ridi dut il Friûl, e ancjemò no son pentîts. Anzit, al sameee che a vedin pronte une gnove arme:

I Gnognosaurs 2.
Il secont libri dai dinosauruts plui gnognos da la preistorie.

Stait atents: dai 15 di Novembar, tes miôr libreriis dal Friûl, o podaressis murî di ridi ancje voaltris.

12.11.10

UN SVOLT TES INVESTIGAZIONS.

Dopo doi dîs di investigazions, la polizie e je rivade a un svolt tal câs des vitimis in Friûl.
Daûr dai ultims elements cjatâts fûr, lis autoritâts a escludin l’ipotesi de epidemie: e je stade di fat rilevade une misteriose impronte digitâl, passade al vâl dai inquirents.
Un killer seriâl? Forsit. Ma no masse seri.


11.11.10

UN ZÂL IN FRIÛL.

Alc di strani e di oscûr a sta sucedint in dut il Friûl.
Par dut il teritori a son stadis scuviertis vitimis di dutis lis etâts, dutis cjatadis te stesse posizion: distiradis par tiere dal ridi.
Autoritâts e polizie no si disbotonin, ma si fevele di une epidemie. Sì: une epidemie di ridarole.




8.10.10

CUSSI' AL FEVELE FIUMETTOPOLI


I amîs di Fiumettopoli tirant lis sumis de manifestazion a an dediât bielis peraulis ai Gnognosaurs. Ve ca cualchi toc dal lôr comunicât stampe. Graciis!

«Il secondo fine settimana la mostra principale di Tex e Topolino ha continuato a richiamare grandi e piccini, conquistati poi anche dalla presenza dei Gnognosaurs, accompagnati dal loro ”papà”, Andrea Venier, e da Orazio Cantiello, titolare della Casa Editrice locale ”l’Omino Rosso”. “La lingua Friulana” afferma con convinzione Venier, “è pronta per affrontare nuove avventure, uscire dal localismo. I Gnognosaurs reggono bene al di là dei confini friulani, e anche all’estero cominciano ad essere apprezzati. Per questo il prossimo viaggio dei nostri piccoli amici sarà la conquista dell’America! Il Friulano ha una marcia in più, la simpatia intrinseca, immediata che riesce a far sorridere tutti, ed una capacità ci sintesi che ben si presta ad essere tradotta nella lingua internazionale per antonomasia, l’inglese.” Dopo il libro “i Gnognosaurs”, che sta letteralmente andando a ruba nelle librerie, esce “i Gnognocolors” albo da colorare per divertirsi imparando addirittura due lingue: il friulano e l’inglese.»

(...)

«L’afflusso di visitatori nei due fine settimana si aggira sulle diecimila persone. Le prossime edizioni manterranno i due fine settimana, e alcune cose cambieranno, e saranno migliorate, ma molte rimarranno: partire dal fumetto per proporre tematiche culturali e sociali si è rivelata una formula vincente. La presenza di Tex ci ha permesso di parlare della diversità culturale e delle sue problematiche, grazie all’intervento dell’indiano nativo Gilbert Douville. I Gnognosaurs ci hanno fatto capire che il friulano è una lingua più viva che mai, che aspira all’internazionalità. Gli spettacoli quali il musical, il Contest di Break dance, Alice lost in Wonderland, ci hanno fatto toccare con mano il talento, la passione per la musica e la danza, per lo stare insieme e lavorare perseguendo gli stessi obbiettivi. E’la strada giusta, valorizzare le positività ed i talenti giovani e nostrani, che nei prossimi anni sarà sicuramente potenziata.»

28.9.10

DEDICHIS A VILDIFLUM

Velu il Dree daûr a fâ i disegnuts cun dediche ai tancj fruts che a son rivâts a Vildiflum par Fiumettopoli in ocasion de presentazion dal libri di colorâ par furlan e par inglês "Gnognocolôrs/Gnognocolors". Un sucesson!

Ecco il Dree metre sta facendo i disegni con dedica ai tanti bambini arrivati a Fiume Veneto per Fumettopoli in occasionedella presentazione dell'albo da colorare in friulano e inglese "Gnognocolôrs/Gnognocolors". Un successone!

24.9.10

A VILDIFLUM ANCJE I GNOGNOORIGJINÂI IN MOSTRE


Us visìn che a Fiumettopoli e je ancje une mostre di taulis origjinâls. Dongje di chês di Tex e Disney ancje i origjinâi dai Gnognosaurs. A son taulis ineditisdi storiis che a an di jessi inmò publicadis. Jessint dai origjinâi, i "balloons", però, a son vueits: no si ruvine la sorprese ai futûrs letôrs, duncje.

Ricordiamo che a Fiumettopoli c'è anche una mostra di tavole originali. Accanto a quelli di Tex e Disney, anche gli originali dei Gnognosaurs. Sono tavole inedite, di storie che devono ancora essere pubblicate. Essendo degli originali i "balloon" però sono vuoti: non sarà guastata la sorpresa per i futuri lettori, quindi.

23.9.10

GNOGNOCOLÔRS/GNOGNOCOLOR: une cerce/un assaggio


«Dinosauri nel nordest» a an titulât in chescj dîs i gjornâi talians (achi, achi e achi chalchi esempi). In Trentin a son stadis scuverzudis des olmis di dinosaur che a gambiaressin la “geografie jurassiche” de Italie. Nô in Friûl lu savevin zà, però: i Gnognosaurs, i simpatics dinosauruts a fumuts in lenghe furlane a an debutât ae fin dal an stât cul lôr prin libri.
Daûr dal suces dal libri, aromai scuasit esaurît, domenie che ven a lis 16.30 a Vildiflum te suaze di Fiumettopoli e vegnarà presentade une gnove “gnognojessude”: "Gnognocolôrs/Gnognocolors".
Al è un albut di 16 pagjinis cun 12 taulis di colorâ cun tacj par furlan e par inglês. La particolaritât dal librut e je che la cuviertute e i disens dentri a puedin jessi cjalâts ancje zirìats al contrari, sielzint cussì di leilu par inglês o par furlan nome voltantlu. Plui facil di viodi che di spiegìa (viôt li simagjinis in zonte).
Il formât al è di 21 per 21 cm, al presit di 2.90 euro.
A Vildiflum al sarà presint l’autôr Dree venier e l’editôr Orazio Cantiello di L'Omino Rosso (www.ominorosso.it).

«Gnognocolôrs/Gnognocolors».
Formât: 21x21 cm, 16 pagjinis, 12 taulis di colorâ. Presit 2.90 euro
«Gnognocolôrs/Gnognocolors».
Formato: 21x21 cm, 16 pagine, 12 tavole da colorare. Prezzo 2.90 euro


«Dinosauri nel nordest» hanno titolato in questi giorni i giornali italiani (qui, qui e qui alcuni esempi). In Trentino sono state scoperte delle orme di dinosauro che cambierebbero la "geografia giurassica" dell'Italia. Noi in Friuli lo sapevamo già, però: i Gnognosaurs, i simpatici dinosauri a fumetti in lingua friulana hanno debuttato alla fine dell'anno scorso con il loro primo libro. Lo slogan che lo accompagnava era "I dinosaurs sono estints? No, a si cjatin in librerie / I dinosauri sono estinti? No, si trovano in libreria".
In seguito al grande successo del libro, quasi esaurito, domenica prossima alle 16.30 a Fiume Veneto nell'ambito della manifestazione Fiumettopoli (www.fiumettopoli.it) verrà presentata una nuova "gnognouscita": "Gnognocolôrs/Gnognocolors". Si tratta di un albo di 16 pagine con 12 tavole da colorare con i testi in friulano e in inglese. La particolarità del libretto è che la copertina e i disegni all'interno possono essere guardati anche ruotati al contrario, scegliendo così di leggerlo in inglese o in friulano semplicemente rovesciandolo. Più facile da vedere che da spiegare (vedi le immagini allegate). Il formato è 21 per 21 cm, al prezzo di 2.90 euro.
A Fiume Veneto sarà presente l'autore Andrea "Dree" Venier e l'editore Orazio Cantiello de L'Omino Rosso (www.ominorosso.it).

«Gnognocolôrs/Gnognocolors».
Formât: 21x21 cm, 16 pagjinis, 12 taulis di colorâ. Presit 2.90 euro
«Gnognocolôrs/Gnognocolors».
Formato: 21x21 cm, 16 pagine, 12 tavole da colorare. Prezzo 2.90 euro

22.9.10

Il PRESIT/IL PREZZO: 2.90 euro

«Gnognocolôrs/Gnognocolors».
Formât: 21x21 cm, 16 pagjinis, 12 taulis di colorâ. Presit 2.90 euro

«Gnognocolôrs/Gnognocolors».
Formato: 21x21 cm, 16 pagine, 12 tavole da colorare. Prezzo 2.90 euro

PRESENTAZION domenie ai 26 di setembar a lis 16.30 li di Fiumettopoli, Fiume Veneto
PRESENTAZIONE domenica 26 settembre ore 16.30 a Fiumettopoli, Fiume Veneto

21.9.10

GNOGNOALBO DA COLORARE: L'ARTICOLO SU «La Vita Cattolica»

Ve ca il toc sul gnûf librut di colorâ dai gnognos jessût su «La vita Cattolica» di sabide
Ecco il pezzo sul nuovo albo uscito sabato sul settimanale «La Vita Cattolica»


Gnognosaurs di colorâ

Ator dai disens a corin dôs frasutis, une par furlan e une par inglês, che si puedin lei, intant che si colore, di cualsisei bande che si meti il librut

I fans dai Gnognosaurs che a spicin lis orelis!
Daspò il sucès dal libri cu lis lôr storiis, jessût tal mês di Dicembar dal an passât, cumò al rive un albut bilengâl, par furlan e par inglês, di colorâ, che al à par protagoniscj propit i dinosauruts nassûts tal 1996 dal lapis dal ilustradôr Dree Venier. Doprâts par calendaris e poster promozionâi par pandi l’ûs de marilenghe, lis aventuris dai Gnognosaurs a vegnin fûr regolarmentri su «Alc&Cè», la riviste par fruts dute in lenghe, suplement dal setemanâl «la Vite Catoliche».
L’albo «Gnognocolôrs/Gnognocolors», indreçât ai fruts, al sarà presentât domenie ai 26 di Setembar, aes 4 e mieze dopomisdì, li dal festival di fumets plui impuartant de regjon «Fiumettopoli», che si davuelzarà a Flum Venit ai 18, ai 19, ai 25 e ai 26 di Setembar.
Pardabon une biele vetrine pal gnûf progjet inventât di Dree Venier par «l’Omino Rosso» di Pordenon, la cjase editore che e à dât fûr il prin libri dai Gnognosaurs.
L’albo, in cumierç dopo de sô presentazion al festival, al è di 16 pagjinis cun 12 taulis dutis di colorâ. «Chei di "Fiumettopoli" a volevin vê par fuarce i Gnognosaurs ae lôr manifestazion e cussì o ai pensât di domandâ a Dree une robe semplice, un albo di colorâ cun pôc test e lui mi à puartât un prodot pardabon inovatîf che mi à scaturît e lassât entusiast», al dîs Orazio Cantiello, il titolâr di «l’Omino Rosso».
Il progjet, di fat, al è particolâr: il librut, cuviertute comprendude, al pues jessi voltât e zirât cemût che si à voie: i disens a puedin jessi gjoldûts, e piturâts, compagn; nol esist une base o un insom.
Ator di lôr a corin dôs frasutis, une par furlan e une par inglês, che si puedin lei intant che si colore di cualsisei bande che si decît di meti il librut. Un progjet grafic che al fâs vignî iniment ciertis creazions par fruts di Bruno Munari. Se no vês capît la descrizion, cjalait lis imagjinis parsore che a mostrin la cuviertute e une pagjine dal dentri e voltait il gjornâl di 180°: o capirês di ce che si fevele.
Metint dongje dôs lenghis «si da dignitât a dutis e dôs e il frut lis pues preseâ compagnis», al marche l’autôr, Dree Venier. La idee «le podeve vê nome une persone bilengâl, jo lu soi par furlan e par talian».
Parcè alore la sielte di meti dongje furlan e inglês? «Parcè che a son i nestris marcjâts di riferiment – al rispuint Venier –: il furlan pal Friûl e o pontarìn ai Usa cul inglês: "l’Omino Rosso" al à vierzût une sede in Americhe, lis traduzions par inglês nus son rivadis propit di là».
Te suaze des mostris di «Fiumettopoli», si podaran viodi ancje taulis ineditis dai Gnognosaurs, dongje di chês di Tex e Topolino. Po, a saran il marcjât dai fumets, animazions, concierts e incuintris cui autôrs. A saran presints il gurizan Andrea Castellan, cognossût cul non di «Casty», disegnadôr e senegjatôr di Cattivik e cumò de Disney, vincidôr tal 2006 dal Premi «Fumo di china» tant che miôr senegjatôr umoristic talian. Po dopo il disegnadôr di Tex, Andrea Venturi, e par finî Claudio Nizzi, un dai plui innomenâts senegjatôrs talians che dopo vê creât tancj personaçs par «Il Giornalino» tant che Larry Yuma, Capitan Erik, Piccolo Dente, Nicoletta, cumò al lavore par Tex.
Lis iniziativis editoriâls cun protagoniscj Martin, Momo, Bombo e dute la compagnie dai dinosauruts furlans a van indevant, duncje, dopo la jessude dal libri «I Gnognosaurs!» ae fin dal an passât: un sucès in librarie. «De prime edizion a son aromai restadis pocjis copiis che i librârs no nus tornin indaûr par contentâ i lôr clients che lu domandin ancjemò – al conte Orazio Cantiello –. E o sin daûr a lavorâ parcè che la aspetative dai tancj Gnognofans pal futûr no resti deludude». In sumis, nol larà vie tant par podê tornâ a lei lis aventuris di chescj piçui erois dal Jurassic che a fevelin par furlan, protagoniscj di une schirie di gags spiritosis e sureâls.

LA CUVIERTUTE DAL LIBRUT. DOMENIE CHE VEN A VILDIFLUM




Ve ca la cuviertute dal libri che al vegnarà presentât domenie a Vildiflum (Fiume Veneto) dentri di Fiumettopoli a lis 16.30. Al è un albo di colorâ (dentri i disens a son in blanc e neri) che al à la particolaritât di jessi par furlan e par inglês, e che si pues zirâlu che il disen tu lu leis compagn di une bande o di cheatre. Cjalait parsore: si sêso inacuarzûts che la segonde e je voltade a 180°? A doman par aprofondiments ;-)

Ecco la copertina del libro che sarà presentato domenica a Fiume Veneto (Vildiflùm) in occasione di Fiumettopoli alle 16.30. Si tratta di un albo da colorare (all'interno i disegni sono in bianco e nero) che ha la particolarità di essere in friulano e in inglese, e che è possibile ruotarlo leggendo ugualmente il disegno qualsiasi si il verso in cui lo si guarda. Guardate sopra: vi siete accorti che la seconda immagine è girata a 180°? A domani per altri approfondimenti ;-)

16.9.10

I GNOGNOSAURS A FIUME VENETO: SEGNAITSI LA DATE!

Ve ca il volantin di Fiumettopoli cun segnade la date e la ore de presantazion dai Gnognosaurs. Come che o podeis lei si fevele di "album da colorare". Ce isal? A 'nt fevelarìn tai prossimps dîs ;-)
Lei il post par talian...