I dinosaurs a metin lis alis!
No, no je une gnove scuvierte paleontologjiche, ma al è il gnûf libri dai Gnognosaurs!
Dopo dal sucès dal prin libri jessût a Nadâl, il secont, "Tal blu piturât di blu", al è rivât tes ediculis dal Friûl, dut pront par compagnâti in cheste Istât cun colôrs, zûcs e gnognitudin.
In cheste gnove aventure i protagoniscj a son il professôr Einsaur — sienziât jurassic di gjeni discutibil — e il so fedelissim assistent Blik. Cjalant i pterodatii che a van pal cîl, il professôr si convinç di podê fâ compagn, doprant il puar Blik di cavie.
Spoiler: al è propit tant gnogno trop che al somee.
Come tal prin libri, ogni pagjine di colorâ no je dome un dissen par so cont, ma un toc de storie che e va indevant intant che tu lis coloris!
In pratiche, il fumet tu lu fasis tu (o, miôr, i tiei fruts), cu lis tôs mans e i tiei colôrs preferîts!
Dentri dal libri tu cjatarâs ancje zûcs, quiz e tantis altris ativitâts par une istât plene di sorpresis.
La pagjine gnognoeducational di chest numar e je dedicade al Preondactylus buffarinii, un retil svolant dal Triassic superiôr cjatât a Preon, in Cjargne, considerât tra i pterosaurs plui antîcs mai scuvierzûts. Un patrimoni di cjase nestre, pratichementri tal zardin dai Gnognosaurs.
Tu puedis cjatâ "Tal blu piturât di blu" in dutis lis ediculis dal Friûl, publicât di La Vita Cattolica, il setemanâl de Diocesi di Udin.
E se tu preferissis ordenâlu cun comut di cjase, tu puedis comprâlu diretementri sul lôr sît.
Buine Istât, e ricuarditi che... ancje tu tu podarâs svolâ! (Almancul cu lis ridadis!)
PS: Se tu âs cualchi amì che al merete un pôc di gnognitudin te sô vite, parcè no tu i sugjerissis di iscrivisi ae newsletter culì? Prin parcé che tu sâs che la doprìn pôc, dome par disi lis novitâts, e secont parcè che… jessi dordei preistorics al è un regâl di condividi!
